ބައިނަލްއަޤްވާމީ ގާތުން ކިރުދިނުމުގެ ހަފްތާ 2025
އޮގަސްޓް 2025 ގެ 8-9 އަށް ދެދުވަހުގެ މުއްދަތަށް ކުރިޔަށްގެންދެވުނު ބައިނަލްއަޤްވާމީ ގާތުންކިރުދިނުމުގެ ހަފްތާއާ ގުޅޭ ވޯކްޝޮޕްގައި ފެސިލިޓޭޓަރުންގެ ގޮތުގައި ސެޝަންތައް ނަންގަވާދެއްވީ ސޮސައިޓީ ފޮރ ހެލްތު އެޑިއުކޭޝަންގެ ޑައިޓީޝަން މަލާހާ އާއި، ހުޅުމާލެ ހޮސްޕިޓަލްގެ ވޯޑް މެނޭޖަރ، ކުލިނިކަލް ނަރސް ޝަމްސިއްހާ ހަސަންއެވެ. މިވޯްކްޝޮޕްގައި ހިމަންދޫގެ 18 އަހަރުން މަތީގެ 30 ބައިވެރިން ވަނީ ބައިވެރިވެފައެވެ. މި ވޯކްޝޮޕްގައި 6 މަހުން ދަށުގެ ތުއްތުކުދިންނަށް އެއްމެ ރަނގަޅު ކާނާއަކީ ކޮބައިކަމާއި، 6 މަސް ވުމުން އިތުރުކާނާ ފަށާނެ ގޮތްތަކާއި، ދިރިއުޅުމުގެ އާދަކާދަޔާ ގުޅިޭ ދާއިމީ ބަލިތައް ކޮންޓްރޯލްކޮށް ބަރުދަން ލުއިކުރުމަާށް ކެއުންބުއިން ބައްޓަންކުރަންޖެހޭ ގޮތްއް ވަނީ އޮޅުންފިލުވާދީފައެވެ.
މީގެ އިތުރުން ގާތުން ބުއްދިނުމުގައި މައިންނަށް ދިމާވާ ދަތިތައް ހައްލުކުރާނެ ގޮތްތަކާއި، ދަރިފުޅަށް އެކަށީގެންވާ މިންވަރަށް ބުއްބޮވޭކަން އެނގޭނީ ކިހިނެއްކަމާއި، ދަރިފުޅު ރޮއިހަދާ ސަބަބުތައް ދެނެގަނެ ހައްލުކުރާނެ ގޮތްތައް އޮޅުންފިލުވާދީފައިވެއެވެ. މި ވޯކްޝޮޕަކީ ހިމަންދޫ ކައުންސިލުން ސްޕޮންސަރ ދެއްވައިގެން ކުރިޔަށްގެންދިޔަ މައުލޫމާތު ދިނުމުގެ ވޯކްޝޮޕެކެވެ. މިވޯކްޝޮޕްގައި ފެރިދޫ ޓުއާސް، ބްރަދާސް، ވައިޓްސޭންޑް އަދި ހިމަންދޫ ސްކޫލުން ވަނީ ފާހަގަކޮށްލެވޭފަދަ އެހީތެރިކަމެއް ދެއްވާފައެވެ.
